ليه كل الافكار الابداعية بننساها بسرعة
حصلك قبل كده ان جت فى دماغك فكرة جامده جداً ومجنونه وانت سرحان وبعد شويه نسيتها خالص ومش عارف تفتكرها 🤔🤔 .
وده لان كل الافكار الابداعيه والمجنونه اللى بتجيللك وانت سرحان وانت سايق وانت فى الحمام ... ايه حمام اه والله زى مابقولك كده بس المشكله هنا انك هتنسا الافكار دى بسرعه جداً وهيبقى فى صعوبه فى انك تفتكرها تانى
وده نتيجة مرور المعلومه بسرعه فى ذهنك وانت اصلاً من الاساس مكنتش مركز عليها مخنا بيشتغل على نظامين فى التفكير:-
1- Focused Mode.
2- Diffuse Mode.
2- Diffuse Mode.
نظام ال focused mode ده مخنا بيستخدمة واحنا فى حالة تركيز عاليه جدا حيث يستخدم الدماغ أفضل قدراته في التركيز لفهم معلومه لحل امتحان لحفظ معلومه لاداء مهمه ما فى شغلك. ولما بنكون فى الوضع ده بيكون كما لو كان اننا عندنا عقل واحد للمسألة المطروحة وبيكون الاتصال ما بين الخلايا العصبيه القريبه من بعض فى المخ بتاعنا . واحنا بقى فى الحالة دى صعب جدا الحجات اللى بنفكر فيها ننساها على المدى القريب.
اما نظام ال diffuse mode ده بقى بيستخدمة واحنا فى حالة سرحان وتوهان واستجمام كده ومش بنفكر فى حاجه ولا مركزين فى حاجه وفى الحاله دى دماغك بتكون قادرة على تشكيل حل مبتكر لحل مشكلة ما أو فكرة او اختراع او ربط الأفكار التي كانت بعيدًا عنك .. واحنا فى الحالة دى بيكون الاتصال ما بين الخلايا العصبيه البعيده عن بعض فى المخ بتاعنا . واحنا بقى فى الحالة دى لو ملحقتش تتدون وتسجل الالافكار اللى جت فى دماغك بسرعه فغالبا بعد اقل من 5 دقايق هتنساها وهيبقى فى صعوبه انك تفتكرها تانى...
الحل انك لازم تكتب اى فكره تيجى فى دماغك وتسجلها وانت فى حاله ال diffuse mode علشان تعرف تفتكرها تانى
1- Google Keep (For Android)
-- Google Keep (For IOS)
هيفيدكم جداً
تعليقات
إرسال تعليق